Изминаа точно две години од нашата претходна анкета. Во меѓувреме излегоа дваесетина броеви преку кои ЕМИТЕР ја дооформи својата концепција (иако сè уште не баш онака како што сакаме), а кругот на читатели се прошири. Затоа сметаме дека е време повторно заеднички да разгледаме што сме направиле и што понатаму треба да правиме. Иако вашите размислувања за концепцијата и содржините на ЕМИТЕР редовно ни пристигнуваат (преку писма и телефонски јавувања), сепак сметаме дека една посеопфатна анкета ќе биде многу корисна. Ве повикувам да одвоите неколку минути, да го пополните овој анкетен лист и да го испратите на нашата адреса најдоцна до 1-ви јули. Верувајте дека Вашиот труд нема да биде залуден бидејќи резултатите од оваа анкета ќе влијаат на нашата издавачка и уредувачка политика. Но, тоа не е сè - учествувајќи во анкетата воедно учествувате и во мала НАГРАДНА ИГРА во која ќе наградиме 55 читатели: 5 читатели ќе добијат годишна претплата на ЕМИТЕР, 25 по една ППК за некој од објавените проекти, а 25 по еден примерок на ЕМИТЕР. Однапред Ви благодарам за помошта. Гл. Уредник Слободан Таневски