Жешкото лето ќе биде вистински жежок костен за AMD, кој како да го губи чекорот со лутиот ривал. Серијата нови чипсети, дополнување на Core2Duo семејството процесори, новите лоњ-енд двојадрени и далеку подобрените Celeron-и, во комбинација со третата DDR генерација мемориски модули и втората PCI Express генерација навистина се непријатна тема за размислување. А и преминот на 45 nm прозводствен процес е на повидок.

Во ЕМИТЕР 2/07 пишувавме за настанокот на денес популарната енигматска игра "Судоку", како и за научната анализа на таа игра. Како што ветивме, во овој напис ќе разоткриеме неколку методи за решавање на Судоку табелите. Човекот и компјутерите користат различни методи за решавања на истите, при што човекот е подобар решавач. За сето ова читајте во текстот што следува.

Во ЕМИТЕР 3/06 и ЕМИТЕР 4/06 објавивме написи за самоградба на две верзии на мини Теслин трансформатор. Во врска со тоа, од нашите читатели добивавме барања да објавиме "помоќна" верзија на Теслино трафо. Излегувајќи им во пресрет, овде ќе покажеме како со неколку мали модификации на моделот "Електронски Теслин трансформатор", објавен во ЕМИТЕР 4/06, може да се постигне приближно тројно зголемување на неговиот ефект.

Во овој текст е опишан еден извонредно едноставен и евтин претворувач од 12V еднонасочен напон во 230V наизменичен напон за потрошувачи со моќност до 30W, кој ќе обезбеди напојување на мали мрежни потрошувачи, како што е сателискиот приемник, на места каде што нема мрежен напон.

Препорачливо е секој аудиозасилувач на моќност да поседува тон-контрола. Споредбено кажано, звукот на аудиозасилувачот без тон-контрола е како "гравче" без "запршка". Значи, тон-контролата врши одредено издигнување или намалување на ниските или високите фреквенции, сé со цел да го приспособи звукот кон нашиот слух (вкус).

Најпрво парната машина, електричната енергија, па информатичката револуција беа револуционерните откритија кои ни го олеснаа секојдневниот живот. Сте се запрашале кое е следното големо откритие, откритие што ќе ги надмине своите претходници? Според многу научници тоа е нанотехнологијата. Таа претставува хибрид од биологија, хемија и применета физика, а се занимава со истражувања и развој на технологијата на скалата од 1 до 100 nm, а во некои случаи и под 1 nm.

"Денес скапи, утре спасоносни" или "Автомобилите пијани а возачите трезни" се само некои од написите во кои авторите се осврнуваат на горивата добиени од био-масата. Етанолот (алкохол) е еден од нив и претставува замена за бензинот, а може да се сретне и под името биоетанол. Замена за дизелот е биодизел (естер). За овие горива заедничко е што се добиваат од растенијата (земјоделските култури) со нивна соодветна преработка. Значи, обновливи извори на енергија.

Наспроти повеќето познати "брендови" кои на нашиот пазар ги нудат своите производи од областа на електричните алати, јапонската компанија МАКИТА кај нас можеби не е толку експонирана, но за вистинските професионалци е и тоа како позната по својата широка палета на висококвалитетни производи.

Раскошот од мегапиксели повеќе не е "ексклузива" на дигиталните фотоапарати од повисоките категории. Унапредувањето на имплементираните технологии, сé помоќните сензори и богатството на опции, заедно со големиот број мегапиксели овозможуваат овековечување на битните моменти во вид на фотографии со квалитет повисок од кога и да е досега. Да видиме како тие изгледаат низ објективот на R837.

Минатиот месец печатените и електронските медиуми беа преплавени од сензационалистички наслови од типот на: "Новиот Никола Тесла", "Прв успешен безжичен пренос на енергија" и слично. Веста се однесуваше на хрватскиот научник проф. д-р Марин Сољачиќ, кој демонстрираше безжичен пренос на енергија од 60 W на далечина од 2 метра. Дали овој настан навистина ја оправдува настанатата хистерија?

Во решавањето на одреден број задачи од електрични и електронски кола се доаѓа до ситуација кога не се гледа решението поради сложеноста на конфигурацијата на колото. Ако во конфигурацијата на колото постои присуство на елементи врзани во ѕвезда или триаголник, со едноставна трансформација од еден вид конфигурација во друг, може некогаш да се дојде до упростување на постапката за решавање на тоа коло.

Во претходниот број се запознавме со предностите и поделбата на електронските системи кај автомобилските мотори, како и во системот за вбризгување на горивото во една точка. Во овој, втор дел од написот, ќе ги обработиме системите за вбризгување на горивото во повеќе точки и електронските системи за палење.

Стрес е физиолошка и психолошка реакција на човекот на надворешните случувања која ја ремети рамнотежата на функционирање на човечкиот организам. Затоа стресот е проучуван од многу научници и лекари, со цел да биде откриен, намален или елиминиран.

Најновите археолошки откритија во Франција несомнено докажуваат дека Неандерталците барем повремено биле канибали.

Веќе пола година во употреба е новиот оперативен систем на дечките од Редмонд, најновиот Windows Vista, кој донесе поприлично нови можности и подобрени перформанси (што сé и да се подразбира под тоа), но верувам дека Windows XP уште долго време ќе биде во употреба кај многу корисници.

Lumix DMC-FZ50 е новиот 10,1-мегапикселен фотоапарат на Панасоник, наследник на успешниот DMC-FZ30. Задржувајќи ги позитивните карактеристики, DMC-FZ50 донесува и некои значителни подобрувања со кои тој сега е уште поконкурентен во сегментот на дигиталните фотоапарати со ултразум.