"Денес скапи, утре спасоносни" или "Автомобилите пијани а возачите трезни" се само некои од написите во кои авторите се осврнуваат на горивата добиени од био-масата. Етанолот (алкохол) е еден од нив и претставува замена за бензинот, а може да се сретне и под името биоетанол. Замена за дизелот е биодизел (естер). За овие горива заедничко е што се добиваат од растенијата (земјоделските култури) со нивна соодветна преработка. Значи, обновливи извори на енергија. Во моментов заеднички недостаток им е што се скапи за производство. Меѓутоа, пострашно од ова е недостатокот на фосилните горива што е сé поизвесен и немањето на алтернатива за нив. Во текстот што следува ќе се осврнам само на етанолот, кој има реални изгледи да биде замена за бензинот кај моторите со внатрешно согорување. Едноставно, започнува биолошката исхрана на нашите автомобили.