Принципот на работа на електронскиот Теслин трансформатор е опширно објаснет во горе наведениот број на ЕМИТЕР, па овде нема да навлегуваме во повторно објаснување, туку ќе ги опишеме само модификациите на истиот, за досег до поголем ефект. Измените ги вклучуваат  мрежниот трансформатор, капацитетот на кондензаторот Cp, примарната намотка, нацртот на ППК, прекинувачкиот таранзистор и искричарот.  Сите други објаснувања ќе ги најдете во наведениот напис во ЕМИТЕР 4/06.

Во затемнета просторија се забележува дека ефектот на трафото е приближно тројно зголемен, така што освен подолги електрични празнења на антената, се јавуваат и дополнителни празнења и облаци од јонизиран воздух на горниот и средниот дел од секундарната намотка, што дава ефекти кои повеќе се приближуваат кон оригиналниот Теслин трансформатор, отколку што тоа беше случај со моделот објавен во ЕМИТЕР 4/06. Напоменуваме дека сите тие електрични празнења се безопасни по живот, бидејќи се работи за високофреквентни струи (т.н. скин ефект), но вардете се од допир до искричарот, бидејќи тука постои висок напон со  ниска фреквенција, што претставува опасност по живот. Ви пожелуваме многу успех во конструкцијата.