Мошне често во објавените статии информацијата за нивна изработка не е доволна за градител со просечно ис­куство и тоа претставува проблем. Во минатите два броја на Емитер е при­кажана градба на релативно едноставен, но квалитетен примопредавател на­ре­чен Таурус 20 (за 14 MHz или 20-метар­ското браново подрачје). Во неговиот приемник и предавател се применети индуктивитети коишто се изра­ботуваат од лакирана бакарна жица намотана на торусно тело со назначена големина и материјал. Овој напис има за цел да ја олесни изработката на овие индук­ти­витети и да даде практични совети за нивна монтажа на печатената плочка. Истовремено, написот има и поопшта намена – преку посочените примери да се дадат и да се усвојат основните соз­нанија, правила и вештини за градба и на други ВФ калеми и трансформатори.