Веќе пола година во употреба е новиот оперативен систем на дечките од Редмонд, најновиот Windows Vista, кој донесе поприлично нови можности и подобрени перформанси (што сé и да се подразбира под тоа), но верувам дека Windows XP уште долго време ќе биде во употреба кај многу корисници. Некои ќе останат на XP поради тоа што тешко се откажуваат од нешто што добро функционира, некои поради одбивност кон промени (некако исто ми звучи), а некои од сосема практични причини, како што е недоволно силен хардверски состав кој ќе биде потребен за стартување на новата Vista. Како и да е, со оглед на тоа дека некои корисници ќе бидат подолг период "врзани" за XP-то, да кажеме неколку практични совети за удобна работа и поголема функционалност на овој оперативен систем.