Во решавањето на одреден број задачи од електрични и електронски кола се доаѓа до ситуација кога не се гледа решението поради сложеноста на конфигурацијата на колото. Ако во конфигурацијата на колото постои присуство на елементи врзани во ѕвезда или триаголник, со едноставна трансформација од еден вид конфигурација во друг, може некогаш да се дојде до упростување на постапката за решавање на тоа коло. Тоа е стандардна процедура, која е содржана во секој учебник за електротехника, а овде е проследена со еден карактеристичен пример за решавање и со една интересна задача за нашите читатели што ни ја прати нашиот добар пријател и колега Кире Банишки од Канада, пасиониран читател на списанието ЕМИТЕР.