Познатиот астроном и ветеран во доменот на потрага по вонземска интелигенција, Френк Дрејк почина на 2 септември оваа година, во неговиот дом во Аптос, Калифорнија, на возраст од 92 години. Веста за неговата смрт ја објавија неговата ќерка Надја Дрејк, научна новинарка, и Универзитетот во Калифорнија Санта Круз, каде што тој беше почесен професор и поранешен декан за природни науки.

НАСА не планира да ги искористи прозореците за лансирање што се отвораат секој ден до 6 септември. Почеток на мисијата Артемида 1 и лансирање кон Месечината може да ги очекуваме најрано од 19 септември, но многу веројатно е тоа да се случи дури наредниот месец.

Откако поради повеќе технички проблеми лансирањето закажано за 29 август беше откажано, од НАСА уверуваат дека сите потребни поправки се направени и вториот обид за лансирање треба да биде успешен. Лансирањето е закажано за денес во 20 часот по македонско време, а времето за вклучување во директниот пренос е два часа порано.

Тим од кибер експерти на ФБИ наменет за итни интервенции е веќе на пат кон кон Црна Гора. Нивната задача – да се истражи масивниот, координиран напад врз оваа малата држава и нејзините служби. Ова го објави во средата Министерството за внатрешни работи на Црна Гора откако владините веб-страници, вклучително и оние на министерствата за одбрана, финансии и внатрешни работи, останаа недостапни. Официјални лица изјавиле дека страниците се исклучени “од безбедносни причини“