Преку 100 експерти од ИТ индустријата од Македонија, Албанија и Косово се сретнаа во Охрид на конференцијата Ingram & Vendors networking #1 во организација на компанија Ingram Micro Macedonia. На настанот тие говореа за теми од типот безбедносни онлјан аспекти, DDoS заштита, решенија за складирање од светска класа, како и за ерата на multi-cloud.

За време на водечката меѓународна конференција за паметни технологии и уреди Ubicomp и ISWC 2022 во Англија, македонски тим од научници и инженери заедно со своите англиски колеги од Emteq Labs, се здобија со прва награда за најдобра демострација на иновативна технологија – паметните очила OCOSense. Победничката демонстрација покажува паметни очила што преку иновативни сензори и вештачка интелигенција ги препознаат изразите на лицето, за потоа да дадат информации за емоционалната сосојба и однесувањето на корисникот што ги носи.

Американскиот суд во средата пресуди дека компанијата Мета треба да плати 174,5 милиони долари за кршење на патентните права што се однесуваат на функцијата за пренос во живо во рамките на нејзините платформи Фејсбук и Инстаграм. Решенијата што овие апликации ги користат биле развиени од поранешен припадник на американската армија, кој ги осмислил како своевидна ‘закрпа’ за недостатоците во комуникацијата на бојното поле.

Речиси секогаш квалитетот на каросеријата на моторните возила (вклучително и шасијата каде што ја има) ја гледаме и оценуваме во однос на нејзиниот естетски аспект. Кај постарите возила, ако таа била ’рѓосана (скапана) лаички се задоволуваме со фактот што била закрпена во автолимарска работилница и си умислуваме дека е “како нова”. Ова е катастрофално поимање на нештата од оваа сфера! Ако пак се работи за модерно возило, кое настрадало во сообраќајна несреќа, исто така сме задоволни ако тоа било поправено во автолимарки сервис каде биле исправени и испеглани згмечените делници, па повторно си умислуваме дека е “како ново” – одушевување што значи дека ништо не се познава од сударот! И ова е катастрофално поимање на нештата од оваа сфера за што ќе стане збор во некоја друга прилика. Во оваа прилика ќе ја прокоментираме приложената фотографија која го покрива првиот од двата случаи што беа споменати.