Една мала студија покажа дека ChatGPT ги “победил” луѓето лекари при проценка на историјата на медицински случаи, остварувајќи поголем процент на точно поставени дијагнози и последователни испитувања за потврда на дијагнозата, дури и кога лекарите го користеле чет-ботот при нивната дијагностика.

До 2030 година, Исланд би можел да стане првата земја во светот која ќе добива енергија од фотоволтаици директно од вселената. Пионерскиот проект изнедрен од соработката помеѓу British Space Solar и локалните компании Reykjavik Energy и Transition Labs, има за цел да ги надмине границите на традиционалната технологија (тука на Земјата), а пред сè, да ја елиминира интермитенцијата предизвикана од временските услови.

Повеќе децении наназад теоретските физичари безуспешно се обидуваат да ја опишат гравитацијата како четврта основна сила со помош на најразлични системи на хипотези како Теорија на струни, Јамкасто-квантна гравитациска теорија или да ја вградат во Теоријата на квантно поле и да извршат нејзино квантизирање. Квантизирањето на гравитацијата подразбира прилагодување на Општата теорија на релативноста со вградување на принципите на квантната механика. Ивет Фуентес, теоретска физичарка која работи со нобеловецот Роџер Пенроуз ја истражува можната примена на Општата теорија на релативноста со цел попрецизно да се опишат квантните појави, испитувајќи го влијанието на гравитацијата во микросветот на честичките... Следниов напис е инспириран од видеото The Breakthrough in Physics We’ve Been Waiting For од јутјуб каналот Theories of Everything with Curt Jaimungal. Видеото можете да го проследите во прилог, на крајот од овој текст.

Вчера, во Националната опера и балет во Скопје, под мотото „E-commerce: Untangling Potential“, се одржа Седмата годишна конференција за е-трговија. Во своето трето регионално издание конференцијата беше домаќин на преку 700 учесници од повеќе од 10 земји, при што свое излагање имаа преку 30 еминентни говорници од земјата и странство.