Денес во 19 часот, истовремено на дигиталните продавници Steam и Xbox, во продажба ќе се појави вториот дел од играта „The Strange Story of Brian Fisher". Оваа видео игра претставува 100% Македонски производ, од концепт и креативната визија на охриѓанецот на заем во Скопје – Ристе Тутурески, неговата фирма Intetic, како и талентираниот тим на KAMAi MEDIA во Битола. Играва беше тестирана од Македонски тим во Indium Play во Скопје. Вистински пан-Македонски потфат!

Пред околу три недели, Скопското астрономско друштво организираше јавно набљудување на кометата C/2023 А3 Цучиншан-АТЛАС на паркингот пред Калeто. Дури и ако времето беше целосно ведро, влажноста во воздухот како и смогот направија целиот настан да не биде баш како што планиравме. Многу луѓе со право заминаа незадоволни од она што го видоа. Оние што не беа на тој настан нè контактираа со барање да се организираме повторно, но тргнувајќи од набљудувачкото искуство од Кале, не сакавме да ја повториме истата грешка. Затоа организиравме ново јавно набљудување на кометата, но овој пат од темна локација на Рудине кај браната Козјак.

Високите температури ја “тенчат” ледената покривка на езерата и ги намалуваат деновите во кои таа е присутна, а ова има еколошки и економски последици. Земјините езера ја губат својата “покривка” од зимски мраз, факт кој веќе има важни социоекономски последици за над половина милијарда луѓе кои живеат во близина на замрзнатите водени тела во студената сезона.

Постојат три стила на пребарување на Википедија: оние кои се губат во мноштвото информации, оние кои душкаат наоколу и оние кои одат директно до резултатот. Звучи тривијално, но разликувањето на овие три типа е важно за вештачката интелигенција да се направи поефикасна.