Компаниитe Фраунхофер (Fraunhofer) и Синклер најавија соработка чијашто крајна цел е интегрирање на Светското дигитално радио (Digital Radio Mondiale – DRM) во дигиталната ТВ-платформа ATSC 3.0. Нивниот договор ќе помогне во унапредување на целта на Синклер за вклучување на ATSC 3.0 аудио услуги и во неговиот мобилен телефон MarkONE.

Последниве денови забележуваме неочекувано и невообичаено зголемување на бројот на тестирања (жолтата линија на дијаграмот на првата слика). Малку веројатно е дека во оваа завршна фаза на бранот има толку многу лица експонирани на вирусот, со оглед на се помалиот број новозараазени последниве две недели (коишто единствено можат да ја пренесат заразата). Речиси сигурно не се работи ни за контролни тестирања, бидејќи од јули минатата година случаите се затвораат врз основа на изминато време од позитивниот тест. Дали можеби стравот кај луѓето е толку голем, што при секаков ризичен контакт самите се пријавуваат за тестирање (иако алгоритамот на МЗ не дозволува тестирање без контакт со заразен или без покажани симптоми) или луѓето само се тестираат заради патување во странство?

Само неколку дена по слетувањето на површинат на Марс, роверот Журонг (Zhurong) на Кинеската вселенска агенција, којшто беше именуван според богот на огнот од кинеските приказни, ги испрати првите две фотографии од површината на Црвената планета – една црно-бела фотографија и ‘селфи’ слика во боја!

Во денешниот времеплов одбележуваме 170 години од раѓањето на Емил Берлинер, познат по изумот на грамофонот и грамофонските плочи, 15 години од официјалното завршување на градежните работи на браната Три Клисури, 94 години од денот кога Чарлс Линдберг полета преку Атлантикот кон Европа, и 89 години откако по неговите стапки тргна Амелија Ерхарт...