Од многуте идеи и решенија за мерачи на капацитивност и индуктивност, се одлучив за оваа релативно едноставна изведба, но со задоволителна точност од 3%. Скапите верзии со дигитално отчитување, мостови за врамнотежување, со нестандардни компоненти кои тешко се набавуваат – веднаш беа отфрлени.

Собата во која е поставен аудио системот е елемент, кој повеќе од која било аудио компонента, влијае на конечниот облик и квалитет на звучната репродукција во целина. Меѓутоа за разлика од снимките и другите аудио компоненти, на чиј избор, поставување и поврзување аудиофилите посветуваат особено внимание, мал е бројот на љубители на квалитетна звучна репродукција кои исто такво внимание посветуваат и на просторот во кој аудио-системот се наоѓа.

Овде прикажаните хибридни засилувачи се предвидени за мали моќности (за слушалки и мали звучници), па нивните предности не можат докрај да дојдат до израз. Имено за ваква намена доволно квалитетна, а воедно и поедноставна е конструкцијата на засилувач во интегрирана техника. Меѓутоа во одредени ситуации овие засилувачи можат да бидат корисни.

Доколку имате изработено или купено излезен засилувач на снага, а во него немате вградено VU метар или мерач на излезна снага, еве можност тој недостаток да го отстраните. Контролата на излезната снага, на засилувачот е особено важна при неговата работа на поголеми снаги. Во овој режим на работа (големи снаги) влезниот сигнал на засилувачот мора да биде контролиран, бидејќи неговото превисоко ниво може да предизвика несакани последици.

Драги читатели,
Пред нас е летото – време на годишни одмори, но и време во кое можеме повеќе да се посветиме на своето хоби или пак, да завршиме некоја работа за која не сме имале време и волја во претходните месеци. Ова лето за нас е значајно и по тоа што во август ЕМИТЕР го прославува својот прв роденден. Поради овие причини, а по углед на познатите светски списанија од оваа област, Редакцијата одлучи да распише КОНКУРС за проекти од областа на електрониката. Ако имате некоја идеја или веќе започнат проект – летото е идеално време својата идеја практично да ја реализирате, односно започнатата градба да ја довршите. Ви останува потоа сето тоа да го опишете и да го испратите на нашата адреса.