Овде прикажаните хибридни засилувачи се предвидени за мали моќности (за слушалки и мали звучници), па нивните предности не можат докрај да дојдат до израз. Имено за ваква намена доволно квалитетна, а воедно и поедноставна е конструкцијата на засилувач во интегрирана техника. Меѓутоа во одредени ситуации овие засилувачи можат да бидат корисни. На пример во ситуации кога ви е потребен засилувач за слушалки или за мал звучник кој ќе биде квалитетен и изработен со стандардни елементи што веќе ги поседувате или пак лесно и евтино можат да се набават. Исто така овие засилувачи можат да послужат како добар пример на кој ќе ја совладате теоријата и практиката при градба на хибридни засилувачи. Во овој напис одлучивме да ви прикажеме две изведби на хибридни засилувачи за мали моќности.