По повод 65 години постоење, Факултетот за електротехника и информациски технологии вчера 18 јуни 2024, во просториите на Македонска Филхармонија, организираше Свечена академија под мотото „65 години наставна и научна извонредност“, по што уследи промоцијата на најновата генерација дипломирани инженери и магистри од овој факултет.

Тајната за помалку користење на паметниот телефон е намалување на неговите перформанси со одложување на одговорот при допир – ќе биде толку иритирачки што ќе го оставиме телефонот настрана.

Технолошките стартапи ќе бидат воодушевени од веста дека ветеранот на ризичниот капитал од Силиконската долина (VC) General Catalyst е на повидок да собере 6 милијарди американски долари за поддршка на нови компании. Веста доаѓа непосредно по најавата на Андресен Хоровиц (Andreessen Horowitz), уште еден голем VC играч, за нов инвестициски фонд од 7,2 милијарди американски долари. Се работи за едни од најголемите суми од прибирање финансиски средства во последните години, кои доаѓаат во време кога VC секторот минува низ затишје, при што вкупните светски инвестиции се намалени од 644 милијарди американски долари во 2021 година на 286 милијарди американски долари во 2023 година.

Веќе некое време знаевме дека на половите на Марс и под неговото тло има мраз, но сѐ уште не беше јасно дали мраз може да опстои и на површината од остатокот од Црвената планета. Со доаѓањето на зимата на Марс, врвовите на неговите најголеми вулкани осамнаа покриени со мраз – уште еден пример за вода достапна на Црвената планета