До оштетување на звучниците може да дојде на различни начини. Излезниот нискофреквентен сигнал од засилувачот може толку да порасне што ќе ја надмине декларираната моќност на звучникот која во практиката многу често е помала од наведената. Од друга страна, на излезот од засилувачот, поради некој дефект во самиот засилувач, може да се појави голем еднонасочен напон, па од еднонасочната струја да прегори движечката намотка на звучникот.

Намената на уредот т.н. fuse protector е да обезбеди мек старт (soft start) на потрошувачите кои имаат голема почетна струја (initial surge current), на прифатливи вредности кои може да ги поднесе електричниот осигурувач во мрежата или вградениот осигурувач во самиот електронски уред.

Многумина аматери-електроничари во своите работилници поседуваат осцилоскопи. Претежно тоа се едноканални осцилоскопи, само со најнеопходните команди, од причина што нивната цена е најприфатлива за аматерскиот џеп. И авторот на овие редови поседува едноканален осцилоскоп ISKRA MA4003.

Многумина ќе се запрашаат: што би имало толку ново да се каже за мултимедија звучниците - звучници као и сите други, само малечки. Банално, нели? Но, не е така. Мултимедија звучниците се разликуваат од сите Hi-Fi и A/V (аудио/видео) звучници токму заради нивната органска врска со компјутерите. Попрецизно кажано - заради нивната органска врска со масата на која стојат.

Со зголемување на густината на радиосообраќајот и користењето на сè повисоки фреквенции како носители на информациите, некои основни проблеми кај АМ и ФМ преносот стануваат сè поизразени. Пред сè демодулацијата на АМ сигналите станува сè полоша со слабеењето на носителот. Да не ги ни спомнуваме случаите кога тој наполно се губи (фединг).

Некои од Европските радио-дифузни организации веќе ја воведоа подобрената верзија на Радио Телетекст сервисот, промовиран во Велика Британија во некои комерцијални радио станици уште во доцните 80-ти години. Иако Радио Телетекст сервисот е различен од RDS, тој е негово дополнување. Податочните сигнали од Радио Текст се пренесуваат со помошен носител со фреквенција од 76kHz, фреквентно се модулирани со 16kbit/s со FM девијација од ±5,5kHz.

Интегралното коло на PHILIPS, TDA8920 е првото коло од новата фамилија аудио засилувачи во класа D, изработени во SOI (Silicon On Insulator)-базирана, A-BCD1 (Advanced Bipolar-CMOS-DMOS) технологија. Содржи два независни засилувачи, кои може да се искористат за стерео засилувач или како моно засилувач во мостна врска. Високата ефикасност е главна карактеристика на засилувачите во класа D и за ова коло е 90%.

Слушалките на глава и можете да се шетате низ целата соба. Веќе не ви е потребен кабел, кој постојано ви се плетка меѓу нозете, се закачува и во најмала рака ви смета. Со овој мал приемник за инфрацрвена светла, напревен со само еден транзистор, може да ја слушате омилената музика од вашето CD без да им пречите на другите.

Колото кое е претставено овде претставува предавател за оптичка (инфрацрвена) аудио врска. Едноставноста, како одлика која се забележува веднаш, го става овој уред во категоријата на лесно остварливи, корисни и интересни градби. Овој предавател, освен за намената за која е предвиден оригинално, може да послужи и како инструмент за многу експерименти на полето на комуникацијата со инфрацрвена светлина.