Со зголемување на густината на радиосообраќајот и користењето на сè повисоки фреквенции како носители на информациите, некои основни проблеми кај АМ и ФМ преносот стануваат сè поизразени. Пред сè демодулацијата на АМ сигналите станува сè полоша со слабеењето на носителот. Да не ги ни спомнуваме случаите кога тој наполно се губи (фединг). Кога станува збор за ФМ, демодулираниот сигнал станува многу изобличен, кога на влез имаме два сигнала со слична амплитуда и со иста или слична фреквенција. Многу од овие несакани појави можат да се избегнат со употребување на затворена амплитудна јамка (amplitude-lock loop - ALL).