5-ти Мај 1997 година. Ракетата на McDonnell Douglas, Delta II ги понесе првите пет сателити од проектот IRIDIUM. Од тој ден започна новата ера на мобилните телефонски комуникации. По долгото одложување и задоцнувањето од речиси една година, долго време најавуваниот сателитски мобилен телефонски систем IRIDIUM стана реалност. Системот требаше да биде пуштен за комерцијална употреба уште на крајот на 1998г. Но, заради разни потешкотии, неговата функционалност официјално почна на почетокот на оваа година. Главниот инвеститор и носител на проектот е светски познатата фирма за радио комуникации - MOTOROLA. Системот IRIDIUM овозможува глобални мобилни комуникации на земјата со низа сервисни услуги кои накратко ќе бидат изложени во овој напис заедно со градбата и начинот на функционирање на системот.