Со цел да се овозможи квалитетен прием на радио бранови, во практиката се користат разни видови приемници. Колку е поголема желбата за поквалитетен прием, прием со намалени пречки и прием со поголема селективност, толку и сложеноста на радио приемниците е поголема. Кога немаат доволно средства и компоненти за градба на современи уреди, радиоаматерите често употребуваат упростени, но сепак функционални приемници со добар квалитет. За прием на телеграфски (CW) и SSB сигнали, меѓу радиоаматерите е посебно позната употребата на приемници со т.н. хетеродински или продукт-детектор.