Констатациите од типот "вакви автомобили веќе не се прават" се едни од можностите со кои може да се започне приказот на Ситроен DS, автомобилот кој на волшебен начин ги спојува уметноста и техниката. Иновативноста, авангардноста, револуционерноста и удобноста што тој ги донесе се причина поради која Ситроен спаѓа во редот на најзначајните автомобилски марки во светот.

Таткото на првиот автомобил се вика Карл Фридрих Бенц - оваа, слободно и без никаков приговор, би можела да биде првата реченица во која било енциклопедија од областа на автомобилите. Гениј чие возило со три тркала се смета за прв автомобил во светот. А мајката на првиот автомобил е неговата сопруга Берта која и во најголемите неволји во создавањето на автомобилот го притискала да продолжи во создавањето на своето дело.

F-117A Nighthawk (ноќен сокол) е првото летало со стелт карактеристики воведено во редовна употреба. Неговата намена е изведување на изненадувачки, високоризични бомбардерски дејства со хируршка прецизност врз непријателски витални стратегиски објекти.

Еден од најинтересните и највпечатливите објекти кои можат да се видат на ноќното небо. Со својата единствена прстенеста структура претставува мета за сите вљубеници во астрономијата при нивните набљудувања.

Првата трка за освојување на космосот започна со лансирањето на првиот сателит Спутник во 1957 година, а заврши со последното американско спуштање на Месечината во 1972 година. По ова, интересот за човечки летови во космосот почнал да опаѓа. Денеска, на почетокот на дваесет и првиот век, трката за освојување на космосот повторно се разгорува. Ова се руските летала кои ќе учествуваат во таа трка.

Камерите што се користат за производство на програми од секаков вид, не може да функционираат без придружните системи, како што се: Трипод системи, систем за стабилизација на камерата, кранови и др. Секој од овие системи е специфичен по своите перформанси во зависност од намената и амбиентот. Тоа значи дека системите за студио се разликуваат од системите за надворешни снимања на вести или за снимање на филм.

Нашиот читател Томе од Охрид верно ја следи рубриката "Школа за електроника" и со своето учество придонесува за откривање на теми за кои владее интерес. Во оваа рубрика среќавате теми, присутни во стандардната школска програма, каде тие се обработуваат по строги програмски правила. Нашиот приод е обид истите теми да се "доближат" до нашите читатели со еден послободен пристап и стил, ослободен од претерано користење на математички толкувања.

Поголемиот дел од светлината која не опкружува ја добиваме од Сонцето. Останатата светлина што нé опкружува ја добиваме со помош на уреди кои се нарекуваат електрични светилки. Во овој број на ЕМИТЕР ќе ги анализираме најбројните и најзастапени електрични светилки - светилките со метално влакно.

Во минатиот број завршивме со планирањето на содржината и дизајнирањето на изгледот на личниот веб-сајт на Мирко. Со тоа може да кажеме дека завршивме и со "здодевниот" дел од развојот на еден веб-сајт, па во овој напис веќе можеме да преминеме на позабавниот дел, додавањето на содржината на страниците. Притоа ќе ви претставиме како на едноставен начин да си го олесните понатамошното одржување на веб-страниците со користење на шаблони.

Денес, кога дигиталните фотоапарати доживуваат своевидна револуција, како во поглед на резолуцијата така и во поглед на квалитетот на фотографијата, реномираниот светски производител на дигитална опрема Hewlett-Packard ја претстави на пазарот новата серија 6-колорни 96-битни скенери за домашна примена HP Scanjet G4050 Photo Scanner и HP Scanjet G4010 Photo Scanner.

Еден од најчесто користени радиоуправувани модели се оние од типот "Тренер". Самиот збор укажува дека се работи за вежбовен модел, со цел усовршување на техниката на летање. Го произведуваат во светот во разни димензии, за разни јачини на мотор и е задолжителен примерок во сите каталози од производителите на РУ модели.

По дефиниција, цензура претставува постапка за надгледување на слободата на изразување. Цензурата може да поприми различни форми, но во основа има за цел да го контролира начинот на кој луѓето ја перципираат средината во која се наоѓаат, во прилог на владеачката структура или на оние кои имаат моќ. Цензурата е постапка, карактеристична за авторитарните државни системи, но во име на заштита на јавниот морал, се применува и во демократските општества. Благодарејќи на отворената и комплексна природа на интернет-мрежата, можноста за брз и едноставен трансфер на информации, овој нов медиум даде неизмерен придонес кон слободата на говорот. Сепак, постојат држави во кои со помал или поголем успех се цензурираат содржините достапни на интернет.