Камерите што се користат за производство на програми од секаков вид, не може да функционираат без придружните системи, како што се: Трипод системи, систем за стабилизација на камерата, кранови и др. Секој од овие системи е специфичен по своите перформанси во зависност од намената и амбиентот. Тоа значи дека системите за студио се разликуваат од системите за надворешни снимања на вести или за снимање на филм. Исто така, на секој систем е назначено и ограничувањето во поглед на тежината на камерата. Постојат повеќе производители на оваа опрема. Компаниите Sachtler, MILLER, Vinten, Libec, Steadicam Video SK се попознати. Нивните производи се разликуваат по квалитет и, се разбира, и по цена. Овој текст ќе третира производи на фирмата Sachtler, кои според мислењето на повеќе бродкастери (радиодифузери) се меѓу најдобрите.