По успешно извршената изработка на предзасилувачот со тон-контролите, во текстот што следува ќе биде поопширно објаснет принципот на работа и изработката на моќниот излезен засилувач со неговото напојување. Гитарскиот засилувач т.н. "Гитарско комбо" е составен од: предзасилувач со тон-контроли, моќен излезен аудиозасилувач, напојувачки блок, соодветен звучник (звучници) кој се приклучува на излезот, метална кутија во која се сместува (монтира) предзасилувачот, излезниот засилувач и напојувањето и заедно сето тоа се сместува во соодветно дизајнирана дрвена кутија. Ова го наведов со цел да добиете целосна слика за да знаете што е изработено и што уште треба да се изработи.