Таткото на првиот автомобил се вика Карл Фридрих Бенц - оваа, слободно и без никаков приговор, би можела да биде првата реченица во која било енциклопедија од областа на автомобилите. Гениј чие возило со три тркала се смета за прв автомобил во светот. А мајката на првиот автомобил е неговата сопруга Берта која и во најголемите неволји во создавањето на автомобилот го притискала да продолжи во создавањето на своето дело. Многу е пишувано и говорено за овој извонреден човек кој неповратно и од корен го има изменето животот на човекот, затоа што го има овозможено современото поимање за неговото движење - автомобилот. Сепак: животот е движење, а движењето е слобода.