Патентите на Никола Тесла и до денешни дни предизвикуваат интерес и воодушевување. На 21 февруари 1916 година Тесла го пријавил патентот за т.н. “валвуларен канал” (valvular conduit) – еднонасочен вентил за течности без подвижни делови! Во суштина тоа е цевка со сложена внатрешна конструкција што ја принудува течноста да се движи претежно во една насока. Кога течноста се влева во устата на “петелките” (еден вид кружни повратни канали изработени во ѕидовите на цевката), станува турбулентна и забавува, со што се подзапира протокот. Но, ако се води течноста во друга насока, таа не влегува во “петелките” на начин да забавува и затоа тече слободно. За појаснување на текстот најдобро е да се погледа видеото дадено во прилог.

Група истражувачи во соработка со неколку институции во Холандија и една во Германија создаде список од 1000 реки низ целиот свет кои придонесуваат за најголемиот дел од пластиката во светските океани. Во трудот објавен оваа недела во списанието Science Advances, групата го опишува нивното истражување на факторите коишто придонесуваа за пластиката да заврши во океанот и на методите што ги користеле за да откријат кои од реките најмногу придонесуваат за зголемувањето на количеството пластика во океаните.

Минатиот месец американското воено воздухопловство спроведе успешен пробен лет на беспилотното летало коешто за прват користи комбинација од автономен хардверски /софтверски пакет. Пакетот, којшто треба да биде сместен во Скајборг (Skyborg) леталото, би овозможил “ тесна соработка ” помеѓу пилотирано и беспилотно летало.

Пред да разгледаме било што, нај напред да кажеме дека за тој што ќе прими вакцина, секоја вакцина е воглавно добра. Дискусијата која следи се однесува на (не)постигнувањето колективен вакцинален имунитет, односно за можноста за заразување на невакцинираните (со сите проблеми што заразувањето ги носи, вклучувајќи и смртен исход) од страна на неуспешно вакцинираните со нискоефикасни вакцини.