Веќе сто години научниците се прашуваат дали гравитацијата е навистина само закривување на простор-времето под дејство на материјата или сепак се работи за сила, налик на електромагнетната, силната и слабата нуклеарна сила. Во Стандардниот модел на елементарни честички постојат посебен тип на честички т.н. бозони кои се одговорни за дејството на погоре опишаните сили и постоењето на нивните силови полиња. Околу 80-те години од минатиот век со повеќе независни експерименти во атомските акцелератори (поправилен би бил терминот – разбивачи на хадроните, честичките кои се изградени од кваркови), почнувајќи со првиот во 1979, докажано е постоењето на глуоните, честичките одговорни за постоењето на силната нуклеарна сила (името доаѓа од glue – лепак, сила која на кратки растојанија е многу појака од одбивната електромагентна сила која се појавува помеѓу протоните во јадротот на атомот). На 4 Јули 2012 беше откриена честичката одговорна за постоењето на Хигсовото поле – Хигс-бозонот итн.

Еден тон паметни телефони содржи приближно 100 пати повеќе злато од еден тон златна руда. Хрватска води во однос на другите земји-членки на ЕУ во рециклирањето на електричен и електронски отпад (ЕЕ отпад) со повеќе од 80 проценти од рециклиран отпад од овој тип.

Во време кога има глобален недостаток на енергија во светот, а цената на електричната енергија достигнува невидени вредности, еве една убава вест. На 15 километри од Штип, на падините од планината Богословец, крај селото Кадрифаково, во тек е изградба на ветерен парк, односно електрична централа за производство на електрична енергија од ветер.

Еден од техничките трудови на Меѓународната конвенција за радиодифузија IBC 2022 (International Broadcasting Convention 2022), одржан од 9 до 12 септември во Амстердам, беше и трудот со следниот наслов “Вештачката интелигенција создава музика”. Овој технички труд ја разгледува музиката создадена од вештачка интелигенција и го поставува прашањето дали сите можеме да станеме Бетовен? Во поширока смисла ги разгледува проблемите врзани со музиката создадена од вештачка интелигенција, авторските права, сево ова врзано со креирањето на 10-тата симфонија на Бетовен.