Овој месец, на 3 и 4 ноември, во фоајето на киното Синеплекс во Скопје, ќе се одржи Саемот на креативни индустрии, под покровителство на Министерството за култура, а организиран од страна на здружението „Балкан синема ситис“ во соработка со киното „Синеплекс. Во рамките на креативни индустрии влегуваат музеите, библиотеките и галериите, маркетингот и рекламирањето, дизајнот на производи, модниот и графичкиот дизајн, архитектурата, занаетите, телевизијата, видеоизразот, фотографијата, филмот и радиото, издаваштвото, креирањето софтвер и компјутерските услуги, музиката, перформансите и визуелните уметности.
