Голем дел од нашите читатели се самоградители и домашни мајстори, било заради потреба или од хоби. Но притиснати од редовните работни и животни обврски, многумина ја имаа сведено на минимум таа активност и своето хоби. Меѓутоа сега, во овие денови (и недели) на пандемија, кога сме принудени да седиме дома во изолација, добар начин за разбивање на досадата и за подобрување на духовната состојба е да се занимаваме со некоја практична активност. Затоа многумина им се враќаат на недовршените проекти или започнуваат со нови.