Точката на изгрејсонцето вдолж источниот хоризонт секојдневно се менува по малку. На северната хемисфера, од првиот зимски ден до првиот ден од летото таа привидно се движи кон север, а потоа полека “патува” назад кон југ сè до првиот ден од зимата. И покрај популарната заблуда, Сонцето изгрева на точно од исток (и заоѓа точно на запад) само двапати во годината – во деновите на пролетната и на есенската рамноденица.

Во саботата, со посредство на интернетот во 13 и 20 по македонско време го проследивме во живо успешното лансирање на вселенскиот телескоп Џејмс Веб со ракетата Аријана 5 од космодромот на ЕСА во Француска Гвајана, Јужна Америка. Оваа заедничка мисија на Европската вселенска агенција (ЕСА) и Канадската вселенска агенција (ЦСА) и НАСА има за цел да ја “открие” светлината од првите галаксии во раниот универзум и да го истражи нашиот сопствен сончев систем, но и планетите што орбитираат околу други ѕвезди.

Во свет во којшто сушата е реална закана, од суштинско значење е да се заштеди и да се рециклира водата секогаш кога е тоа можно. Размислувајќи во оваа насока истражувачите од Универзитетот на Калифорнија создадоа мраз што не се топи во вода и којшто може да се употребува одново и одново, а материјалот од којшто е создаден е на крајот биоразградлив. Новите желатински коцки мраз може да помогнат во сите процеси на зачувување намирници или други материи, без притоа да го контаминираат, наводенат или разводнат производот што треба да се чува на студено.

... што да очекуваме и што сè може да тргне наопаку Конечно, дојде и тој момент, НАСА го лансира вселенскиот телескот Џејмс Веб (James Webb Space Telescope – JWST), проект што помина во изработка 30 години, речиси како одговор на предизвикот од директорот на Институтот за вселенски телескопи, Рикардо Џакони, којшто непосредно пред лансирањето на Хабл изјави: “замислете ја следната голема вселенска мисија по Хабл”. И еве сме сега, повеќе од 30 години по презентирањето на првиот концепт претставен на 29 септември 1989, и по потрошени околу 10 милијарди долари, по низата одлагања, партнерите НАСА, ЕСА и ЦСА се подготвени за лансирање на најновото телескопско чудо – Вселенскиот телескоп Џејмс Веб.