Историјата на животот на Земјата бележи пет пати настани на масовно исчезнување на биолошката разновидност. Сите од нив биле предизвикани од екстремни природни феномени. Денес, многу експерти предупредуваат дека во тек е Шестата масовна криза, овојпат целосно предизвикана од човечки активности.

Кинеското Вештачко Сонце – суперспроводливиот токамак, фузиски реактор што има потенцијал да обезбеди речиси неограничени количини на енергија без штетни емисии, постави нов рекорд работејќи 1056 секунди постигнувајќи температира од 70 милиони степени целзиусови, јави кинеската новинска агенција Ксинхуа.

Со сиот ризик ограничениот број на тестирања да нé доведе во заблуда, сепак мораме да констатираме дека факторот на раст (мерка на забрзувањето, слично како репродукцискиот број Rt) достигнал максимум и започнува да се намалува (на дијаграмот на првата слика). Тоа значи дека дневните броеви на новодијагностицирани ќе продолжат да растат, но не со толкаво темпо како до сега. Исто така, врвот на факторот на растот (како и репродукцискиот број Rt) кажува дека сме веќе во горната половина од бранот, односно поблиску до врвот, отколку до подножјето. Доколку тестирањата не нé залажуваат, тоа би значело дека за најмногу две недели би можеле да стигнеме до врвот на бранот и најголемите дневни броеви, коишто не би преминале 4000 случаи. Покрај ограничениот број на тестирања, намаленото тестирање за празниците исто така доведува до искривена слика на дневните броеви.

Заедно со неговите 79 месечини во орбитата на Јупитер се наоѓа и вселенското летало Џуно, коешто постојано испраќа слики од најголемата планета во нашиот Сончев систем до истражувачите на Земјата. Овие фотографии им обезбедија на океанографите материјал за новото истражување чиишто резултати беа објавени неделава во Nature Physics. Трудот ја опишува обилната турбуленција на половите на Јупитер и физичките сили кои ги придвижуваат големите циклони.