Фајзер ќе побара од американската Администрација за храна и лекови одобрување за примена на трета бустер доза од нивната вакцина против ковид-19. Како што пренесуваат повеќе научно-популарни портали и новински агенции, фармацевтската компанија вчера објавила дека примената на уште една доза од нивната вакцина, пред истекот на 12 месеци од ревакцинацијата, може значително да го зголеми имунитетот а можеби и да се справи најновата мутација на коронавирусот којашто сите нè загрижува – делта сојот.

Интердисциплинарен научен тим, предводен од универзитетите во Кембриџ и во Тибинген, собра мерења за големината на телото и на мозокот од преку 300 фосили од родот Хомо пронајдени низ целиот свет. Преку комбинирање на овие податоци со реконструкција на регионалната клима во светот во последните милион години, тие успеале да ги откријат специфичните климатски услови во коишто опстојувал секој од фосилите кога бил живо човечко суштество.

Во денешниот времеплов го славиме раѓањето на хрватско-американскиот математичар Вилијам Фелер, на пионерот во програмирањето Жозеф-Мари Жакар и на МП3 форматот. Покрај ова ја одбележуваме годишнината од смртта на германскиот хемичар Јозеф Лошмидт.

Во 1969 година човештвото направи голем подвиг – двајца астронаути од Мисијата Аполо 11 се спуштија на Месечината на 20 јули и зачекорија по неа на 21 јули 1969 година! Тој триумф на науката и човечкото херојство малку подоцна иницираше една неочекувана и чудна појава – теорија на заговор дека астронаутите не се спуштиле на Месечината и дека тоа е една голема измама на НАСА!? Во оваа серија статии анализираме (и демантираме) повеќе поединечни теми од оваа теорија на заговор, за да може заинтересираните полесно правилно да се информираат, а и да им овозможиме пофокусирано да дискутираат на нашата фејсбук страница за конкретната тема. Во овој втор дел од серијата зборуваме за темата: Зошто нема ѕвезди на фотографиите на „небото“ над месечевиот хоризонт?