Една од најважните вештини што треба да ја стекне секој што сака да се занимава со практична електроника е лемењето. Па така, секој вистински и пасиониран електроничар, веќе одамна ги има прочитано сите објавени упатства и совети за лемење од стручните книги и списанија за електроника и има изгледано стотици видеа на YouTube на оваа тема. Поседува повеќе лемила и лемни станици за различни намени и се гордее со вештината со којашто знае да ги користи. За одржување на кондицијата, дневно леми и одлемува најмалку по сто компоненти на/од двострани плочки (за однапред зададено време), ужива во мирисот на растопениот калофониум и смета дека е кондициски подготвен за каков било натпревар или задача поврзана со лемење, барем на државно ниво. Но, дали неговата висока самодоверба и мислење за себе навистина соодветствуваат на неговите способности и на постигнатото ниво? А што ако направил некаков ситен превид, па некако се случило во темелите на своето знаење да стави и некои фалични елементи, сметајќи ги за исправни? Дали некогаш направил сериозен стрес-тест, за да ја провери стабилноста на својата градба?

Иако целта беше собирање на најмалку 10 илади долари проектот PrintPods досега на платформата Kickstarter веќе собра над 150 илјади американски долари за изработка на “најнапредниот рачен печатач за секаков вид површина “, како што го тврдат неговите творци.

Како што веќе знаете, во април минатата година Google ја укина својата социјална мрежа Google+, освен за бизнис корисниците и корисниците на G Suite пакетот. Сега, Google+ во потполност ќе исчезне, а како замена на овој (фејл) проект Google ќе го понуди сервисот Google Currents.

Оваа недела Европската јужна опсерваторија објави дека астрономите за првпат успеале да фотографираат екстрасоларен планетски систем. Имено, тие фотографирале две егзопланети што орбитираат околу една иста ѕвезда, слична на нашето Сонце.