Многупати во филмовите сме виделе како се користат мали направи за прислушкување на туѓите разговори со помош на нивно поставување во телефонот или на телефонската линија која сакаме да ја прислушкуваме. Еден ваков уред е прикажан на сл.1, а неговото печатено коло на сл.2. Од шемата се гледа дека за изработка на овој уред се користени малку елементи, па јасно е дека моќноста на овој предавател не може да биде многу голема, но сепак дометот достигнува до околу 100m на отворен простор.

Сигурно многумина од вас ја гледале телевизиската серија “STAR TREK” односно ѕвездени патеки.Таму како што сигурно сте забележале “јунаците” на серијата наместо класичните пиштоли од холивудските каубојски филмови користат едни мали направички наречени “фејзери” со кои своите “непријатаели” привремено ги парализираат, а богами и убиваат. Е таква една направа е тема на оваа конструкција, која не е ни одалеку како тие фејзери ниту по концепцијата ниту по реализацијата.

Добро е познато дека квалитетот на музичката репродукција во станот зависи од три одлучувачки елементи, односно чинители: електрични, механички и акустички. Сите тие имаат еднаква важност и на секој од нив мора да му се посвети еднакво внимание ако се сака што поточно повторно да се креира содржината на музичкото дело во собата. Нерамномерноста во пристапот ќе се врати како нерамномерност на музичката репродукција.

При проектирањето на ова едноставно коло, основно барање беше да се добие еден прилично едноставен фреквенцметар со батериско напојување, со минимален влезен напон од 10mV и максимална фреквенција од 100kHz. Потрошувачката на струја во мирна состојба изнесува само 4mA, што обезбедува долговечност за батеријата од 9V со која се напојува уредот. Исто така е битно што уредот работи нормално дури и тогаш кога напонот на батеријата ќе падне на 5V.

Во практиката често се случува аудио сигналите да го немаат потребното ниво за нивна обработка и за побуда на излезните засилувачи. Во таков случај неизбежна е употребата на соодветен предзасилувач. Во оваа прилика ќе бидат презентирани две едноставни решенија кои можат да се искористат како посебни уреди или пак да влезат во состав на некој посложен уред.

Иако современите автомобили имаат најразлични заштитни уреди и аларми сепак сведоци сме дека и "обичните" автомобили се на удар на многубројните крадци т.е. "позајмувачи" на автомобили. Не потценувајќи ги разните сложени алармно-заштитни уреди овде ви претставувам едноставна блокада на работата на моторот од вашиот автомобил така што на "позајмувачот" му е оневозможено вклучување на моторот и покрај неговата "професионалност".

По изградбата на електронската секретарка (објавена и наградена на конкурсот за најдобар електронски проект - ЕМИТЕР 12/96), во тек на нејзината експлоатација забележав некои недостатоци: ако во мое отсуство, а со претходно вклучена секретарка заради немање на никој од членовите во фамилијата, подоцна се врати некој и одговори побрзо од секретарката, порака од ваквиот соговорник не се забележува.