Нашироко познатиот швајцарски производител на тонска професионална аудио опрема KUDELSKI од Шесо (Cheseaux), мало градче на падините на Мон Блан во францускиот дел на Швајцарија, суверено и престижно владееше со пазарот од педесетите години наваму, благодарение, пред сé, на својот основач, полјакот Куделски. Водечки производ беше познатиот преносен магнетофон NAGRA во разни варијанти, кој се користеше, и сé уште се користи, кај сите филмски снимања. Најновиот производ е преносниот дигитален магнетофон ARES-C.
Со него новинарот може да изврши дигитално аудио снимање на терен, да се врати назад во хотелската соба каде ќе изврши монтажа на снимениот материјал а потоа да го испрати својот готов извештај до редакцијата на конвенционален начин преку телефонска линија или преку ISDN врска.