Во практиката често се случува аудио сигналите да го немаат потребното ниво за нивна обработка и за побуда на излезните засилувачи. Во таков случај неизбежна е употребата на соодветен предзасилувач. Во оваа прилика ќе бидат презентирани две едноставни решенија кои можат да се искористат како посебни уреди или пак да влезат во состав на некој посложен уред.
Првото решение е во дискретна техика и е реализирано со два транзистора, за разлика од него второто е во интегрирана техника и е реализирано со еден двоен операциски засилувач. И двете решенија користат мал број на стандардни елементи кои се монтираат на една плочка со мали димензии.