Во претходните броеви на ЕМИТЕР беа објавени повеќе засилувачи во моно верзија, без додатните кола за регулација на гласноста и бојата на тонот. Оваа причина ме наведе да изработам еден проект на комплетен засилувач во стереоизведба со ton/volume контрола, кој претставува една комплетна целина, односно може да се монтира на една плочка со релативно мали димензии.

Ова е последното, шесто продолжение на серијата за телескопите. Колку што ми е познато, не постои некоја литература на македонски јазик која го обработува ова подрачје. Се надевам дека оваа празнина барем делумно е пополнета со оваа серија, чии претходни делови можевте да ги следите во ЕМИТЕР бр. 11/03, 12/03, 1/04, 2/04 и 6/04.

За раширеноста на микрофоните и звучниците, како електроакустички претворачи не може да се каже нешто поконкретно, бидејќи толку ги има што е тешко да се изврши и најбанална проценка. Нивното настанување се должи на вечно љубопитниот дух на истражувачите, кои понекогаш и не биле свесни за значењето на нивните пронајдоци. Снимањето, записот, репродукцијата и преносот на звукот на далечина се поврзани со процеси на претворање на акустичкиот звучен сигнал во електричен сигнал и обратно.

Дали некогаш сте се прашувале да знаете како работи системот за глобално позиционирање односно GPS ситемот? Токму во овој број ќе се задржиме на таа проблематика. Каде сум? Каде треба да одам? Колку е далеку? Вакви прашања сигурно ќе си поставувате себеси доколку се наоѓате на некој непознат терен. Читањето од карта и работата со компас бара одредени претходни познавања и ретко кој може навистина да се снајде со нив.

Транзитот на Венера, како исклучително редок и важен астрономски настан, во Македонија беше одбележан на начин кој му доликуваше. Скопското астрономско друштво (САД) организираше бесплатно набљудување за граѓаните на град Скопје, од кејот 13 Ноември, близу до Камениот Мост.

Во еден од минатите броеви, поточно во насловот "Боење на воздухопловите на Luftwaffe" во ЕМИТЕР бр. 3/04, зачнавме една многу важна тема која иако не многу нагласено постојано се провлекуваше во текстовите каде што беа презентирани макети: бои за нивно боење или техники поврзани со боењето. Боењето на макетите е една од најдискутираните и најполемизираните теми во целокупниот опфат на ова техничко хоби.

Настојувањето на Кина за присоединување на Тајван кон неа, создава тензија во Пацификот со последица на постојано зголемување и осовременување на воздухопловно-борбениот арсенал помеѓу овие две држави, но и постојано присуство на американските воздухопловни сили од Пацифичката флота. Дополнителни тензии внесува и Северна Кореја, па Јапонија како исклучително економски моќна земја мора да го балансира своето воено воздухопловство.

SuSE Linux 9. 1 како претходник на една фантастична десктоп дистрибуција ми го даде задоволството кое толку долго го чекав. Можам да кажам дека магичноста што ја содржи оваа дистрибуција ќе го зароби секого во своите прегратки сè додека не ви предизвика зависност, а потоа.

Спротивностите се привлекуваат - два MP3 уреда сродни по функција со модерен и футуристички дизајн, но сосема различни на изглед. Секој со своја убавина и свои адути, а на вас е да одберете бидејќи за вкусовите нема да се расправаме. А мене ако ме прашате, па јас веќе си знам, а текстов е наменет за оние кои сакаат да дознаат повеќе.

Во овој летен двоброј ви подготвивме една колекција од трикови во која се обидовме на едно место да ги собереме оние често поставувани прашања што ги мачат понеискусните корисници на Windows XP. Иако овие трикови нема многу да им помогнат на искусните корисници, секако дека можат да им послужат како еден краток потсетник при оние незгодни ситуации кога гореспоменатите неискусни корисници ќе почнат да зврцкаат на телефон.

Sanyo Xacti DSC-J1 претставува основен модел на дигитален апарат на овој јапонски гигант, наменет за корисниците кои прв пат се среќаваат со дигиталната фотографија. Брзина, прецизност на бои и огромен број на опции го прават овој дигитален фотоапарат примамлив и за оние кои би сакале и нешто повеќе од фотоапарат за "обични смртници"

Во ова продолжение од серијалот "Витамините во современата исхрана на човекот", ќе го претставиме витаминот Д, неговата хиповитаминоза и хипервитаминоза, како и превенцијата и лекувањето на овие состојби.

Без разлика дали со веб-дизајн се занимавате аматерски или професионално, потребни ви се соодветни алатки при изработката на веб графиката. На Интернет можат да се најдат многу апликации кои ги решаваат проблемите поврзани со дизајнирање на веб-графиката, а од друга страна, пак, доколку припаѓате во групата на "професионалци" тогаш на располагање ви стојат веќе познатите графички апликации од типот на Photoshop, Fireworks и други.

Во ЕМИТЕР број 9/2003 беше претставен проектот 100 W филтер/засилувач за сабвуфер. Но, оние корисници кои веќе имаат вишок "обичен" засилувач, можат да го добијат истото како во посочениот проект, со додавање на едноставен сумирачки/филтерски степен пред нивниот засилувач. Во овој проект, филтерскиот степен е направен со само едно интегрирано коло ("чип"), а напојувањето го зема од постоечкиот засилувач - максимално едноставно и евтино!

Решението на општата форма на квадратната равенка – полином од втор степен, ја пронашле уште старите Сумери, некаде 2000 години пр.н.е. Решението на кубната равенка, односно решението на општата форма на полином од трет степен се покажало како тврд орев, кој бил решен многу подоцна. Еве како...

На екранот од мониторот гледате оптегнат лак со стрела насочена кон небото. Во далечината забележувате мета, поставена пред пејзаж од Хималаите. Полека го спуштате лакот, додека стрелата не ја насочите кон метата. За секунда претерувате и стрелата е насочена кон земјата. Полека земате здив го подигате лакот, и ја испуштате стрелата. Стрелата лета преку виртуелниот терен и со мал блесок се забива во центарот на метата.

На 3 и 4 јуни 2004 година се одржа долгонајавуваната но и долгоочекуваната Визија 2004. Зошто толку очекувана? Одговорот има корени уште од потпишувањето на партнерскиот договор помеѓу Мајкрософт и нашата Влада, во кој, меѓу другото, беше предвидена локализација на Windows XP и MS Office XP. На воведната конференција за прв пат беше подогнат Windows XP на македонски јазик.