Без разлика дали со веб-дизајн се занимавате аматерски или професионално, потребни ви се соодветни алатки при изработката на веб графиката. На Интернет можат да се најдат многу апликации кои ги решаваат проблемите поврзани со дизајнирање на веб-графиката, а од друга страна, пак, доколку припаѓате во групата на "професионалци" тогаш на располагање ви стојат веќе познатите графички апликации од типот на Photoshop, Fireworks и други. Но, зошто да губите време и да учите да работите со истите тие апликации само за изработка на банерот или некое копче за вашата веб-презентација. Тука на сцена стапува производот на Xara Group Ltd., фирма која има пронајдено одлично решение.