Во претходните броеви на ЕМИТЕР беа објавени повеќе засилувачи во моно верзија, без додатните кола за регулација на гласноста и бојата на тонот. Оваа причина ме наведе да изработам еден проект на комплетен засилувач во стереоизведба со ton/volume контрола, кој претставува една комплетна целина, односно може да се монтира на една плочка со релативно мали димензии. Неговите карактеристики се одлични во однос на дискретните и хибридните засилувачи. Релативно ниската набавна цена на ИК LM3886T во однос на можностите кои ги дава ова коло, го прави интересно за изработка на засилувач на моќност. Поради тоа, одлично ќе се вклопи како високо квалитетен излезен засилувач за вашиот тјунер, ДВД-плеер, ЦД-плеер или друг извор на аудиосигнал кој на излезот испорачува сигнал со ниво од 0,5 до 2V.