Најнапред Енгаџет ја пренесе веста од ​​Wall Street Journal дека во Твитер веројатно сериозно ја разгледуваат идејата за продажба на Илон Маск. Според нивниот извор одлуката за преиспитување на понудата од Маск била донесена откако тој објавил дека обезбедил доволно финансиска поддршка за финализирање на договорот. Додека го пишуваме ова пристигна и веста дека договорот е постигнат и дека Маск е нов сопственик на Твитер.

Зачувувањето на копии од сервери, работници станици и други уреди е најдобра практика и императив за бизнисите, но тие не претставуваат гаранција за континуитетот на бизнисот и за заштитата на податоци. Создавањето на резервна копија, било да се работи за пресликување на дискот или за копии на податоците, е само почеток на планот за закрепнување од катастрофа и не е гаранција дека податоците може да се повратат ако копијата е оштетена. Сепак, уште поголема грижа треба да биде кражбата на доверливи податоци од организацијата, ако самата копија е украдена или на друг начин компромитирана од некој напаѓач.

Користејќи го VLT телескопот на Европската јужна опсерваторија, тим астрономи забележаа нов тип на ѕвездена експлозија – микронова. Овие настани се случуваат на површината од одредени ѕвезди и секоја за само неколку часа може да согори ѕвезден материјал еквивалентен на Големата пирамида од Гиза помножена за 3,5 милијарди пати !

Битна информација за сите ноќни птици. Оваа недела ноќното небо приредува една мошне ретка глетка во која ќе може да уживате сите вие што имате остар вид (или во најмала рака двоглед) и чисто небо. Имено, почнувајќи од денес во текот на наредните неколку недели на ноќното небо ќе може да ги набљудувате четири од петте планети видливи со голо око – Јупитер, Венера, Марс и Сатурн – подредени на источното небо, некаде пред зори.