По играта “Wounded“, уште една македонска игра го наоѓа своето место на најпознатата светска платформа за игри Steam . Се работи за возбудливата 3D видео игра, The Strange Story Of Brian Fisher на македонското гејминг студио Intetic .

Кој раснел во осумдесетите години на минатиот век сигурно се сеќава на серијата “Соколите од планетата Земја” каде Соколите и нивните роботи Зероиди се борат против вселенската инвазија на Зелда и нејзидните роботи коцки. Е па, се чини дека некому му текнало дека коцката и не е така лоша форма за модуларен робот од којшто ќе се бара да формира повеќе структури. И ги засукал ракавите...

Глинените плочки од седмиот век пред нашата ера, на коишто со клинесто писмо се врежани набљудувањата на астрономите на необичната светлина на ноќното небо, го претставуваат можеби најстариот доказ за појавата на поларна светлина поврзана со екстремната сончева активност. Описите од плочките се совпаѓаат со изотопските траги што останале забележани во годовите на дрвјата.

Со помош на адаптивната оптика на инструментот SPHERE на телескопот VLT (Very Large Telescope) при Јужната европска опсерваторија во Чиле, астрономите откриле дека астероидот Хигија може да се класифицира како џуџеста планета. Објектот, лоциран во астероидниот појас, е четвртиот по големина астероид по Церес, Веста и Палас. За првпат, астрономите биле во можност да ја набљудуваат Хигија во доволно висока резолуција којашто овозможува поблиско проучување на нејзината површина и утврдување на нејзината форма и големина. Набљудувањата откриваат дека Хигија има сферна форма, што би можело да ја класифицира како џуџеста планета. Ако ова се случи, титулата на најмала џуџеста планета во Сончевиот систем веќе нема да му припаѓа на Церес.