Палета од бои на сребрена плоча – вака изгледа првата фотографија (на спектарот од Сонцето) направена во боја. Фотографијата е направена во 1848 година, од страна на францускиот физичар Едмонд Бекерел (Edmond Becquerel). Неговиот процес за добивање вакви фотографии бил емпириски, никогаш не бил теоретски објаснет и многу брзо бил напуштен. Сега, тим од францускиот Центар за истражување од областа на конзервацијата (CNRS) во соработка со синхротронот SOLEIL и Лабораторијата за физика на цврсти тела, известува дека боите добиени од Едмонд Бекерел се резултат од присуството на метални сребрени наночестички. Нивното истражување е објавено на 30 март, во меѓународното издание на Angewandte Chemie.