Првата вселенска мисија со астронаути до астероидниот појас би можела да се случи во рок од 50 години, велат ракетните инженери, но под услов луѓето да го “освојат” Марс до 2038 година. Нивното предвидување се заснова на економска анализа на стапката на раст на вселенските буџети со текот на времето, како и врз проширувањето на сферите на интерес и апетитите за освојување на вселената на луѓето од почетокот на вселенската ера до денес.

Животните околности во детството, тука вклучувајќи го и поседувањето помалку пријатели и браќа и сестри, неквалитетните односи со родителите, лошото здравје и растењето во посиромашно домаќинство, се во корелација со повисоката стапка на осаменост во постара возраст. Вака се тврди во новата студија објавена деновиве во научното списание со отворен пристап PLOS ONE. Трудот е дело на Софи Гутмулер од Виенскиот универзитет за економија и бизнис во Австрија.

Хемичарите постојано се во потрага за изнајдување начини да го претворат јаглеродниот диоксид (CO 2 ) во некоја покорисна супстанција што содржи јаглерод. Но, еден од најголемите проблеми со јаглерод диоксидот е тоа што тој е толку стабилна молекула што многу тешко може да поттикне да реагира со било што друго. Сега, тим јапонски хемичари пронајде начин да го претвори CO 2 во мравја киселина, супстанција која, освен што е корисно средство за чистење и конзерванс, претстаува и клучна хемиска состојка во широк спектар на хемиски реакции.

Nvidia си плати 5,5 милиони американски долари казна откако не успеа да докаже како во нивната квартална заработка за 2018 фискална година се нашла и мошне значителна сума заработена од трендот на копање криптовалути. Обвинението беше подигнато од американската Комисија за безбедност и размена на хартии од вредност – КБР (Securities and Exchange Commission).