Скопје за првпат ќе биде домаќин на петнеделната бесплатна едукативна програма наменета за студентите кои сакаат да научат како да креираат апликации за паметни телефони. За да се квалификуваат на Инфинум академијата, апликантите треба да поминат приемен испит, а пријавувањата се до 15 мај.

Шестото масовно одумирање, она предизвикано од нашето присуство на планетата и на кое сме сведоци во моментов, загрозува околу милион видови на растенија и на животни. До 2050 година ризикуваме да видиме истребување на некаде помеѓу 30% и 50% од сите живи видови. Од ова не се поштедени ниту влекачите – според најновиот попис, секој петти вид е загрозен.

Од својот прв краток скок направен на 19 април минатата година, па до денес, хеликоптерот Ingenuity изврши 27 лета, изминувајќи речиси 7 километри над површината на црвената планета, вршејќи ја својата мисија на извидник пред роверот Perseverance на НАСА. Малечкото летало ги надмина и најоптимистичките прогнози на научниците и инженерите што го создадоа. Но, неодамна, малиот автоматизиран хеликоптер имаше проблеми со акумулацијата на прашина врз неговите соларни панели. Оваа прашина ја намалува способноста на возилото да ги наполни своите шест литиум-јонски батерии. Како дополнителен пех, северната хемисфера на Марс е на прагот од зимата што треба да настапи за нешто повеќе од два месеци.

Вчера НАСА објави уште една серија воодушевувачки фотографии направени од вселенскиот телескоп Џејмс Веб. Како што укажува официјалниот блог на мисијата, фотографиите најнапред биле претставени на утринската прес-конференција, на којашто е презентиран и детален извештај за состојбата на Веб додека се во тек процедурите за нагодување и усогласување на камерите.