Минатиот месец стигна вест во врска со едно мошне уникатно археолошко откритие. Се работи за импозантен ѕид подигнат пред околу 11 илјади години, откриен на дното на Балтичкото Море, во близина на Германија. Научниците сметаат дека се работи за една од најголемите праисториски градби пронајдени досега во Европа. Со која цел била изградена оваа мегаструктура сѐ уште се истражува, иако не недостасуваат првични претпоставки и тези...

Тим од студенти по ветеринарни науки и научници од Федералниот универзитет во Санта Катарина, Бразил, во соработка со Центарот за развој и иновации за канабис во Бразил (Cannabis Development and Innovation Center), откриле дека оралната администрација на масло од канабис кај кучињата може да ги намали симптомите на дискоиден лупус еритематозус (DLE), кучешко автоимуно поттикнато кожно нарушување.

Откажувањето од пушење носи здравствени придобивки на која било возраст – кон ова укажуваат резултатите од студијата објавена неодамна во Jama Network Open која ги анализира здравствените податоци на речиси три милиони Корејци во периодот од 2002 до 2019 година, од кои 200 000 добиле дијагноза на рак. Иако истражувањето истакнува дека најголеми придобивки имаат оние кои го оставаат пушењето пред 50-тата година од животот, резултатите покажуваат дека дури и оние кои ќе решат да го “баталат” тутунот подоцна исто така “ќаруваат” неколку години од животот.

Малиот рептил Тридентиносаурус антиквус (Tridentinosaurus antiquus) бил откриен во далечната 1931 година во близина на Страмајоло, на висорамнината Пине, во алпскиот регион Трентино. Фосилот се чува во Природонаучниот музеј при Универзитетот во Падова, а се смета дека е значаен не само поради неоспорната вредност на фосилните докази за времето на Пермот (периодот пред 300 до 250 милиони години), туку и поради неговиот необичен изглед што се должи, како што барем досега се веруваше, на мошне редок процес на зачувување на меките ткива, особено на кожата. Токму поради оваа причина се сметаше дека се работи за уникатен примерок со непроценлива научна вредност. Но, отсуството на слични фосили поттикна сомнеж меѓу научната заедница за веродостојноста на карактеристиките на овој фосил.