Извршниот директор на Nvidia, Јенсен Хуанг, вели дека бумот на вештачката интелигенција всушност ќе ја зголеми побарувачката за занаетчии, како водоинсталатери и електричари, но и за работници во челичната и градежната индустрија.

Хуанг смета дека тие работници би можеле да заработат плати со шестцифрен износ, благодарение на она што тој го нарече „најголемата изградба на инфраструктура во човечката историја“, за која вели дека веќе изнесува неколку стотици милијарди долари.

Лери Флин и Јенсен Хуанг во разговор на сцената во Давос фото: Nvidia

Изјавата на извршниот директор на највредната компанија во светот беше дадена при разговор со извршниот директор на BlackRock, Лари Финк, на Светскиот економски форум во Давос. Имено, запрашан од Финк како тој го гледа преобликувањето на економијата и пазарот на трудот од страна на вештачката интелигенција, Хуанг ја опишал вештачката интелигенција како „торта од пет слоја“ – на врвот се апликациите, под нив се моделите на вештачката интелигенција, потоа услугите во облак, чиповите, а на дното е енергијата.

Според Хуанг, вистинските економски придобивки од вештачката интелигенција ќе дојдат кога индустриите како што се здравството, производството и финансиските услуги ќе ја усвојат вештачката интелигенција. Но, за да стигнат дотаму, земјите најнапред треба да ги изградат долните слоеви од “тортата” и тука влегуваат во игра квалификуваните занаети.

Јенсен Хуанг на сцената во Давос фото: Светски економски форум / Ројтерс

„Значи, зборуваме за шестцифрени плати за луѓе кои градат фабрики за чипови или фабрики за компјутери или фабрики за вештачка интелигенција. Секој треба да може да заработува одлично. Не ви е потребен докторат по компјутерски науки за да го направите тоа“, изјави Хуанг. За сите други, Хуанг ги отфрли стравувањата дека вештачката интелигенција брзо ќе ги уништи работните места, особено работните места за т.н. “работници со бели крагни”. За да го илустрира неговото видување тој ја наведе радиологијата како пример, област што се смета за особено ранлива бидејќи системите со вештачка интелигенција се добри во анализа на слики. Наместо да ги заменуваат радиолозите, Хуанг вели дека вештачката интелигенција им помогнала да бидат тие да бидат попродуктивни, да прегледуваат повеќе пациенти, па дури и да се зголеми бројот на радиолози.

На прашањето како ова се однесува на земјите во развој, Хуанг изјавил дека тие треба да се однесуваат кон инфраструктурата со вештачка интелигенција на ист начин како што се однесуваат и кон патиштата и енергијата.

„Навистина верувам дека секоја земја треба да се вклучи во градењето инфраструктура со вештачка интелигенција, развивањето на сопствена вештачка интелигенција и искористувањето на своите основни природни ресурси, кои се јазикот и културата. Развијте ја вашата вештачка интелигенција, продолжете да ја усовршувате и направете ја вашата национална разузнавачка служба дел од вашиот екосистем“, рекол Хуанг.

Целиот разговор на Јенсен и Хуанг можете да го проследите на следниот линк на Спотифај или подолу на Јутјуб