Иако помалку познат од Персеидите и редовниот декемвриски метеорски дожд Геминиди сепак може да понуди одличен спектакл, за оние кои можат да го истрпат студот на зимските вечери и да останат да го набљудуваат небото до доцна во ноќта. Оваа година за набљудување на Геминидите имаме мошне поволни услови, со оглед на тоа што врвот на метеорскиот доижд се случува за време на т.н. млада месечина. Па така, ноќното небо ќе биде мошне темно во моментот кога Геминидите ќе станат видливи во доцните вечерни часови, па сѐ дури светлината на зората не го осветли хоризонтот. А колку е колку небото е потемно – толку е подобро и шоуто... се разбира, ако и метеоролошките услови бидат поволни.