Со оглед на многуте сличности што Јупитер ги споделува со неговиот сосед, Сатурн, се чини природно да се запрашаме зошто и Јупитер нема прекрасен, обемен систем од видливи прстени. Имено, иако Јупитер има прстени, тие се тенки, едвај видливи структури од космичка прашина, забележливи само кога е имаат заднинско осветлување од Сонцето. Според едно ново истражување, за “оскудноста” na овие бледи прстени виновни се јупитеровите галилееви месечини коишто не дозволуваат дисковите од карпи и прашина да се акумулираат на ист начин како што тоа е случај кај Сатурн.
