Сопственоста на оружје е тема на дебата во САД со години. За многумина, тоа е прашање на лична слобода, па дури и дел од културата, додека други веруваат дека бројот на масовни крвопролевања кои се тажна константа во американското секојдневие, би можел значително да се намали доколку пушките не би биле толку достапни. Американскиот стартап Biofire верува дека постои компромис помеѓу поседувањето пиштол и неговата безбедност – оружје што може да го користат само нивните сопственици, коешто доколку падне во погрешни раце, не може да се користи за напади и убиства. На тој начин би се избегнале опасните ситуации кои можат да настанат кога децата ќе го најдат оружјето на родителите, а детската игра ќе се претвори во трагедија.

Инстаграм најави ново ажурирање на корисничкиот профил што ќе им овозможи на корисниците да додадат до пет линкови во нивната биографија. Оваа нова функционалност значи дека помалку корисници ќе мора да користат решенија како Linktree.

„ Starship штотуку доживеа т.н. брзо непланирано расклопување [rapid unscheduled disassembly], или RUD, за време на искачувањето “, рече инженерот на SpaceX Џон Инспракер, кој беше еден од коментаторите на преносот на лансирањето на веб-каналот на компанијата. „ Ова сега беше развоен тест, ова беше прв пробен лет на Starship, а целта е да се соберат податоци и како што рековме, да се расчисти подлогата и да се подготвиме за повторен лет. Така што никогаш не знаеме точно што ќе се случи, но како што ветивме, возбудата е загарантирана! Starship ни даде прилично спектакуларен крај на она што беше навистина неверојатен тест “.

Дали слушнавте за фотографот кој ја одби наградата освоена на еден од најголемите фотоконкурси за фотографија затоа што неговата фотографија е направена со вештачка интелигенција? Фотоконкурсот е еден од најпрестижните во светот – Sony World Photography Awards, а делото- победник во категоријата Креативна фотографија е црно-бела снимка со наслов „ПСЕВДОМНЕЗИЈА | Електричарот“ (PSEUDOMNESIA | The Electrician).