Минатиот месец Бетелгез повторно се најде во фокусот на астрономите. Неговиот сјај се зголеми за 50% и некои научници во ова гледаат знак дека ѕвездата е пред експлозија. Имено, со секој нов поглед кон Бетелгез, ѕвездата оддалечена некаде помеѓу 500 и 630 светлосни години од нас и околу 135 000 пати посветла од Сонцето, растат шпекулациите за нејзината (повеќе или помалку неизбежна) експлозија во супернова. Но, без паника.Всушност, се наоѓаме на доволно големо растојание за да не трпиме последици. Имајќи го ова предвид би било навистина уникатен спектакл ако ни се пружи можност за набљудување на ѕвездата во нејзината експлозивна фаза.

Вештачката интелигенција ја реконструира 3Д сликата на она што сме го виделе во минатото, тргнувајќи од одразот на нашите очи. Резултатите не се баш остри, но технологијата е револуционерна.

Вжештениот свет на којшто од метални облаци врнат капки титаниум е најрефлектирачката планета што досега била забележана надвор од нашиот Сончев систем, известија астрономите во понеделникот. Како што отлриваат новите набљудувања направени со европскиот вселенски телескоп Кеопс, наменет за истражување на егзопланети, овој чудесен свет, оддалечен повеќе од 260 светлосни години од Земјата, рефлектира дури 80% од светлината од својата матична ѕвезда. Тоа ја прави прва егзопланета чијшто сјај може да се спореди со оној на Венера, која е најсветлиот небесен објект на земското ноќно небо, по Месечината, се разбира.

Во рамки на набљудувањата за истражувањето Cosmic Evolution Early Release Science, вселенскиот телескоп Џејмс Веб ја забележа досега најоддалечената супермасивна црна дупка – ситна девијација што се изнедрила околу 570 милиони години по Биг бенгот. Но, ова не е единствено изненадување. Црната дупка, сега именувана како CEERS 1019, има девет милиони пати поголема маса од нашето Сонце!