KAMAi MEDIA го организира првиот Саем на Македонската креативност – Мегдан, на којшто ќе бидат презентирани модерни, мултидисциплинарни и комерцијални проекти од областа на креативната индустрија – видео игри, визуелизации, 3Д симулации и едукативен софтвер, изработени во Македонија а наменети за странскиот пазар. Првото издание на Мегдан ќе се одржи овој викенд, 18 и 19 ноември, во Културно информативниот центар во Битола (Офицерски дом, Битола). Саемот ќе биде отворен во сабота и недела, од 10 часот наутро, па се до 23 часот вечерта.

Денес започна дводневната конференција „Градење на сајбер-отпорни организации“ иницирана од страна на Комитетот за дигитална трансформација при Американската стопанска комора во Македонија (АмЧам). На конференцијата ќе учествуваат голем број експерти за кибер безбедност и активни чинители во сферата на дигиталните трансформации од јавниот и приватниот сектор, со цел споделување знаење и најдобри практики во развојот на кибер-отпорни организации.

Најавеното бришење на неактивни сметки на Gmail ќе започне на 1 декември. Ова значи дека Google може да ги брише и сите содржини и податоци поврзани со неактивниот корисник – сите информации што се складираат на серверите на Google во име на таа корисничка сметка, вклучително фотографии зачувани во Google Photos, белешки за настани во Google Calendar, документи на Google Docs и, секако, мноштво електронски пораки. Компанијата го најави "големото расчистување" уште во мај, така што нема простор за негодување дека веста доаѓа одненадеж.

Сложеното однесување на пчелите веќе подолго време е предмет на голем интерес кај истражувачите. Истражувачите од Универзитетот во Барселона открија дека токму пчелите претставуваат одличен субјект за проучување на динамиката на групното однесување и донесување одлуки. Во една неодамна објавена студија, професорот М. Кармен Мигел и неговите колеги, го опишуваат процесот во кој дизајнирале и склопиле “армија” од 35 килоботи опремени со ситни нозе, LED светла, приемник на инфрацрвена светлина, и способност за импресивни танцови движења. Имено, килоботите биле програмирани да ги реплицираат интеракциите помеѓу пчелите со вештини од типот препознавање на светлина и на движење. Секој бот имал за задача пронаоѓање на потенцијална локација за гнездење за колонијата и потоа со другите ботови да оствари консензус за избор на оптимално место.