Пред 80 години на денешен ден започна битката кај Курск, најголемиот тенковски судир во историјата. Шестотини километри јужно од Москва, според извештаите на германските извидувачки авиони во реонот на Курск се наоѓа клинот – најиспакнаттакнатиот сектор од фронтовата линија во кој се распоредени припадниците на Црвената армија, и кој на повеќе од сто километри навлегува во реонот што сѐ уште го држат германските трупи. За германците ова е речиси идеално сценарио во кое со брза акција и движење од правците север и југ би можеле да фатат во обрач и од главнината да отсечат околу милион руски војници распоредени во тој простор...

Конечно, сендвич направен со пилешко месо одгледувано во лабораторија ќе стане дел од менито – барем за оние што живеат во САД. Имено, минатата недела американското Министерство за земјоделие го даде првото одобрение за клеточно култивирано месо произведено од две компании, GOOD Meat и UPSIDE food. Обете компании одгледуваат мали количества пилешки клетки во парчиња месо, без потреба од колење на животни. Ова е последната регулаторна поддршка што им беше потребна на компаниите со седиште во Калифорнија да започнат со продажба и послужување на нивните производи во САД.

Колку долго треба да останеме на социјалните мрежи за психолошки да се чувствуваме многу подобро? Само 30 минути на ден. Ова е она што произлегува од новата студија објавена во Technology, Mind and Behaviour во која учествувале 230 универзитетски студенти во текот на две недели. Се покажа дека намалувањето на времето поминато на социјалните мрежи, на околу 30 минути дневно, значително ги намалува симптомите на анксиозност, депресија, осаменост и страв од чувство на исклучување. Покрај намалувањето на негативните ефекти, студентите откриле и зголемување на таканаречениот „позитивен афект“, дефиниран од истражувачите како „тенденција да се искусат позитивни емоции опишани со зборовите „среќен“ или „горд“. Невозможна мисија?

Мисијата на ЕСА, Евклид само што не започнала. Вселенскиот телескоп ќе бара показатели што треба да им помогнат на астрономите да ја разберат мистеријата на темната материја. Телескопот беше лансиран денес, 1 јули, во 17 часот и 11 минути по македонско време, од американската база во Кејп Канаверал, Флорида. Вселенскиот телескоп Евклид го носи ракетата Фалкон 9 на SpaceX, во капсула која го одржува „безбеден и чист“.